टी–२० विश्वकप छनोटमा नेपाल समूह ए मा पहिलो खेल अमेरिकासँग

img1


काठमाडौं, ३१ बैशाख/ टी–२० विश्वकप छनोट क्रिकेटमा नेपाल तुलनात्मक रुपमा सहज समूहमा परेको छ । अन्तराष्ट्रिय क्रिकेट काउन्सिल आईसीसीले बिहीबार खेल तालिका सार्वजनिक गरेको छ ।

नेपाल समूह एमा परेको छ, जुन समूहमा आयरल्याण्ड, हङकङ, पपुवा न्यूगिनी, नामिबिया, अमेरिका र जर्सी परेका छन् । समूह बीमा अफगानिस्तानसँगै यूएई, नेदरल्याण्ड, स्कटल्याण्ड, क्यानडा, केन्या र ओमान परेका छन् ।

नेपालले आफ्नो पहिलो खेल अमेरिकासँग जुलाई १० मा खेल्नेछ । जुलाई ११ मा नामिबिया, जुलाई १३ मा आयरल्याण्ड र जुलाई १५ मा हङकङसँग खेल्नेछ । यस्तै १७ मा पपुवा न्यूगिनी जुलाई १८ मा जर्सीसँग खेल्नेछ ।